வரலாறு அறிவோம் - 3

வரலாறு அறிவோம் - 3

தொல் எழுத்து ஆய்வின் வரலாறு

நம் நாட்டின் தொல்லியல் வரலாறு குறித்த ஆய்வினை தொடங்கி வைத்து, தொடர்ந்து பல கல்வெட்டுக்களை ஆராய்ந்து வெளியிட்டவர்கள் ஐரோப்பியர்களே. அவர்களுடன் இணைந்து இந்திய அறிஞர்களும் பணியாற்றினர்.
இந்தியாவில் கல்கத்தா கவர்னர் வாரன் ஹேஸ்டிங்ஸ், உச்ச நீதிமன்ற நீதிபதி சர் வில்லியம் ஜோன்ஸ் ஆகியோரால் 1783 ஜனவரி 15 ஆம் நாள் வங்காள ஆசியவியல் கழகம் நிறுவப் பட்டது. இக்கழகம் ஏசியாட்டிக் ரிசர்ச்சஸ் என்ற ஆய்விதழை வெளியிட்டது. இதுவே இந்திய வரலாற்றைப் பற்றிய அறிவு வளர்ச்சியில் முதல் ஆய்வு நூல்.
ஜோசப் பிரின்சப், ஜார்ஜ் பியூலர், ஓஜா ஆகியோர் இந்திய எழுத்து வரி வடிவ வளர்ச்சி பற்றிய ஆராய்ச்சியின் முன்னோடிகள் ஆவர். இன்னும் பலரும் இப்பணியில் ஈடுபட்டுள்ளனர்.
ஏ. சி. பர்னல், டி. ஏ. கோபி நாதராவ், கே.வி. சுப்ரமணிய ஐயர், தி. ந. ராமச்சந்திரன், எஸ். எச். ரித்தி, ஐராவதம் மகாதேவன், டி. வி. மகாலிங்கம், இரா. நாகசாமி, கே.ஜி. கிருஷ்ணன், நடன. காசிநாதன், எ. சுப்புராயலு, புலவர் செ. இராசு, என். சேதுராமன் ஆகியோர் தென்னிந்திய குறிப்பாக தமிழ்நாட்டு எழுத்து வளர்ச்சி பற்றி ஆய்வு செய்தனர்.
1886 இல் சென்னை மாகாண அரசு கல்வெட்டாய்வாளர் பதவியை உருவாக்கி முதல் கல்வெட்டு ஆய்வாளராக இ. ஹூல்ட்ச் அவர்களை நியமித்தது. 1967 க்குப் பிறகு இதன் அலுவலகம் மைசூருக்கு மாற்றபட்டு தற்போது வரை மைசூரில் இயங்கி வருகிறது.
இதன் கீழ் ஆண்டுதோறும் கிடைக்கும் கல்வெட்டுகள் பற்றிய விவரங்கள் வெளியிடப் பட்டது. முதலில் சென்னை கல்வெட்டு அறிக்கைகள்(Madras Epigraphcal Reports) எனப் பெயரிடப்பட்டு பின்னர் தென்னிந்திய கல்வெட்டு ஆண்டறிக்கை (Annual Report on South Indian Epigraphy) என பெயர் மாற்றம் செய்யப் பட்டு வெளியானது. மீண்டும் இந்திய கல்வெட்டு ஆண்டறிக்கைகள் (Annual Report on Indian Epigraphy) என்ற பெயர் மாற்றம் செய்யப் பட்டு தற்போது இப்பெயரிலேயே வெளியிடப் படுகிறது.
இவை தொடர்ந்து வெளியிடப் பட்டாலும் அனைத்து கல்வெட்டுகளும் வெளிவந்து விட்டன என்று கூற இயலாது.
1961 இல் தமிழ்நாடு அரசு தொல்லியல் ஆய்வுத்துறை தொடங்கப் பட்டது. இதன் சார்பாக கல்வெட்டு என்ற பெயரில் காலாண்டு ஆய்விதழ் வெளியிடப் படுகிறது. இத்துறையின் மூலம் கல்வெட்டுகள் குறித்த பட்டய படிப்பு வகுப்பு தொடங்கப் பட்டு பயிற்சி அளிக்கப் பட்டு வருகிறது. பல பல்கலைக் கழகங்களில் இதற்கென துறை உருவாக்கப் பட்டுள்ளது.
தவிர தனிப்பட்ட ஆய்வாளர்களும் நிறைய கல்வெட்டுக்களை தேடி எடுத்து வெளியிட்டு உள்ளனர். தொல்லியல் பயில விரும்பும் மாணவர்களுக்கு ஆர்வத்துடன் பல கற்றறிந்த ஆய்வாளர்கள் பயிற்றுவிக்கின்றனர். தொல்லியல் எச்சங்களை பாதுகாப்பதன் மூலமே நம் வரலாற்றை நாம் அடுத்த தலைமுறைக்கு எடுத்துச் சொல்ல முடியும்.

Comments

Post a Comment

Popular posts from this blog

வரலாறு அறிவோம் – 4

Image
வரலாறு அறிவோம் – 4 வேளிர் சங்க கால அகழாய்வு தொடக்க நிலையிலேயே உள்ளது . முழுமையாக ஆய்வு செய்யப்பட்ட பின்னரே வேளிர் வரலாற்றுக்கும் பெருங்கற்சின்னங்களுக்கும் இடையில் உள்ள தொடர்பினை இன்னும் தெளிவாக அறிய முடியும் . இதுவரை கிடைத்துள்ள கல்வெட்டுகள் , அகழ்வு சான்றுகள் , சங்க இலக்கியங்கள் ஆகியவற்றை வைத்து வேளிர் குறித்து அறிந்து கொள்ளலாம் . சங்க காலத்துக்கு முன்னரே வேளிர் உருவாகி விட்டனர் . வேளிர் எழுச்சிக்கும் வணிக வளர்ச்சிக்கும் நெருங்கிய தொடர்பு உண்டு . கால்நடைகள் செல்வமாக கருதப்பட்டது . எனவே ஆகோள் பூசல் தொடர்ந்து நடைபெற்றது . அதில் வென்றவர் முதலில் வேளாக ஏற்கப்பட்டு பின் காலப்போக்கில் அமைதிக் காலங்களிலும் வேளாகவே நிலை பெற்று இருக்கலாம் . ஒவ்வொரு தொல்குடிக்கும் ஒரு வேள் இருந்திருக்க வேண்டும் .   வேளிர் என்ற சொல் வெள் , வெளிச்சம் ஆகியவற்றில் இருந்து உருவான சொல் என அரங்கசாமி அவர்கள் கூறுவார் . வெள்ளை , வெண்மை , வெள்ளி என்ற சொற்கள் வெண்மை நிறம் அல்லது ’ ஒளியுடைய ’ என்ற பொருள் தரும் வெள் என்ற அட...
Read more

வரலாறு அறிவோம் - 2

Image
வரலாறு அறிவோம் - 2 தொல் தமிழ் தமிழ் மொழியின் எழுத்து வடிவம் இப்போது இருப்பதைப் போல் முற்காலத்தில் இல்லை. தற்காலத் தமிழ் எழுத்துக்களின் எளிய வடிவமாகக் கல்லில் எழுதுவதற்கு ஏற்ற வடிவமாக எழுத்துக்கள் உருவாகின. இத்தொல் தமிழ் எழுத்துக்கள் கண்டுபிடிக்கப்பட்ட புதிதில் அப்போதைய ஆய்வாளர்கள் தமிழ் பிராமி எனத் தவறாகப் பெயரிட்டு விட்டனர். பின்னர் வந்த ஆய்வாளர்கள் இதனைத் தொல் தமிழ், பண்டைய தமிழ், தமிழி என்று பெயரிட்டு அழைக்கின்றனர். நாமும் தொல் தமிழ் என்றே அழைக்கலாம். தொல் தமிழ் எழுத்துக்கள் உருவாவதற்கு முன்னர் குறியீடுகள் புழக்கத்தில் இருந்தது. பின்னரே எழுத்துக்கள் உருவாயின. குறியீடுகள் குறித்து அடுத்ததடுத்த பதிவுகளில் பார்ப்போம். தொல் தமிழ் எழுத்துகள் பயன்படுத்தப் பட்ட காலம் என ஆய்வாளர்கள் பலரால் ஒப்புக் கொள்ளப் பட்ட காலம் பொ.யு.மு 500 முதல் பொ. யு. 300 வரை. பொருந்தல் என்ற இடத்தில் கிடைத்த எழுத்துப் பொறிப்புடன் உள்ள பானை ஓட்டின் காலம் பொ. யு. மு 500 என கணிக்கப் பட்டுள்ளது. எனவே தொல் தமிழ் அதற்கு முன்னதாக உருவானதாக எடுத்துக் கொள்ளலாம். தமிழகத்தில் இன்னும் பெரிய பரப்பளவுகளில் ஆய...
Read more